Gwenllian yn dod adref!

Mae plac coffa Gwenllian bellach wedi'i osod ar graig ger copa'r Wyddfa!  Y cainllythrennwr Ieuan Rees a'i gerfiodd, gyda help dyn arall, osododd y plac fore Iau, 24 Gorffennaf 2008.  Eisoes mae'r plac wedi sbarduno sylwadau a thrafodaeth ymysg yr ymwelwyr.  (Gweler y manylion.)

Cyfarfod Blynyddol, Llanberis, 9 Mehefin 2007:

Cyflwynwyd plac yr Wyddfa i Mr Rob Owen, Cyfarwyddwr Polisi Cymdeithas Eryri.

Y plac yn yr Eisteddfod Genedlaethol:

Daeth cannoedd o bobl i weld y plac oedd ar stondin y Gymdeithas yn Eisteddfod Sir y Fflint a'r Cyffiniau.

Ailenwi Mynydd:

Mae'r Ymddiriedolaeth Genedlaethol wedi rhoi ei sylwadau ar y syniad o ailenwi Carnedd Uchaf yn Garnedd Gwenllian (gweler y manylion).  Dywedodd Cyfarwyddwr Cymru'r Ymddiriedolaeth, Iwan Huws, bod rhai yn credu mai cyfrifoldeb yr Ymddiriedolaeth yw cadw enwau lleoedd traddodiadol rhag eu newid, a bod eraill yn ofni y gallai dringwyr a cherddwyr fynd ar goll yn y mynyddoedd petai enwau cyfarwydd yn cael eu disodli gan rai newydd.  Nid yw'n credu y gall yr Ymddiriedolaeth fynd â'r syniad ymlaen ar hyn o bryd.

Efallai y byddai modd gosod enw ar gopa sydd yn ddienw hyd yn hyn, ac efallai hefyd y byddai modd gosod plac ar gopa'r mynydd a ddewisir yn gwahodd pobl i'w alw'n Garnedd Gwenllian.  Mae'r Gymdeithas yn dal i chwilio am farn pobl a sefydliadau lleol.

Beth yw eich barn chi?  Cysylltwch â ni!